Неліктен тарих?

Тарих өткен оқиғалардың барлығын қамтиды: саяси, экономикалық, діни, әлеуметтік, экологиялық және т.б. Кейбір салалар осы оқиғалардың біреуіне назар аударса, тарихшылар осы салалардың барлығына көз салады. Тарихшылар басқа салаларда (оның ішінде экономика, саясаттану, әлеуметтану, антропология, әдебиет және философия) қолданылатын зерттеу әдістерін белсенді пайдаланады. Сондықтан тарих кейде «әлеуметтік және гуманитарлық ғылымдардың патшайымы» деп аталады.

Тарих барлық жерде – сіздің туған қалаңыздағы көшелер мен ескерткіштердің атауларынан екінші дүниежүзілік соғыс жайлы Голливудтық блокбастерлеріне дейін. Өткен оқиғалар - тірі шындық болғандықтан, біздің оларды қандай күйде есте сақтауымыз қоғамымызды біріктіреді және біздің әлемдегі орнымызды табуға көмектеседі.

Тарихты оқу тиімді – тарих пәндерінде студенттер өткен оқиғалар туралы пікір қалыптастыру үшін әртүрлі ақпараттарды жинақтауды үйренеді. Ал тарихи зерттеу әдісі ойлау икемділігі, қиял, ақпаратты табу және жеткізе білу қабілетерін дамытады. Бұл бизнес, коммерциялық емес және кәсіби салаларда талап етілетін қабілетер. Тарих, сонымен қатар, көптеген басқа салар бойынша
магистр дәрежесіне жақсы дайындықты қамтамасыз етеді.

Тарих маманы ретінде не зерттейсіз?

Тарих мамандығы бойынша бакалавр дәрежесі сізді ақпаратты бағалауға, өзгелердің тұжырымдарын сынауға, әрі өз пікіріңізді қалыптастыруға және өз көзқарасыңызды тартымды түрде жеткізуге үйретеді.

Ешкім сізді есімдер мен басты оқиғалардың ұзақ тізімін еске сақтауға мәжбүрлемейді. Оның есесіне, сіз қоғамның қалай жұмыс істейтінін түсіну үшін тарихи деректерді қалай қолдану керектігін үйренесіз. Мысалы, заманауи индустрияның қалай дамығанын зерттей отырып, сіз
экономикалық өзгерістер, қоршаған орта мен мемлекеттік саясат арасындағы қарым-қатынасты зерттейсіз. Сол сияқты, әр дәуірдегі этносаралық қарым-қатынастарды зерттей отырып, бүгінгі Қазақстан сияқты көпұлтты қоғамдардың қалай жұмыс істейтінін талдайсыз.

Жалпы, сіз күрделі мәтіндерді түсінуге дағдыланып және өз тұжырымдарыңызды нақты және сенімді түрде қалыптастыруды үйренесіз. Тарихты зерттеу арқылы сіз ағылшын тілінде жазбаша және ауызша қарым-қатынас қабілеттеріңізді жақсартасыз. Сіз ақпаратты іздеп, деректерді бағалп және нәтижелерді әр түрлі пішімдерде ұсынуды үйренесіз.

Тарихтағы дипломмен сіз:

• Ақпаратты өңдеп және оны аудиторияға ағылшын тілінде ұсына аласыз;
• Ақпаратты талдап және өзіндік пікір қалыптастырасыз;
• Өткен ғасыр қоғамдары қалай өмір сүргенін түсініп, сол білімді қазіргі жағдайға пайдалана аласыз;
• Басқа адамдардың тұжырымдарын бағалап, өз көзқарасыңызды айқын түрде жеткізе аласыз;
• Мәдениеттердің, қоғамдардың және діни жүйелердің әртүрлілігін түсінесіз.

Сіз тарихшы дипломымен не істей аласыз?

Сіз әртүрлі салаларда талап етілетін қабілеттерді жинақтып, сол салаларда жұмыс істеуге дайын боласыз. Тарихи бағдарламалардың түлектері құқық, мемлекеттік қызмет, дипломатия, менеджмент және маркетинг, ақпараттық технологиялар, қаржы және іскерлік талдау,
журналистика, білім және ғылым салаларында еңбек етеді. Біздің соңғы түлектеріміз беделді университеттердің магистратурасына қабылданды. Соның ішінде Джорджтаун университеті, Орталық Еуропа университеті, және Сингапурдағы Ли Куан Ю Мемлекеттік саясат мектебі.

Пәндер:

Департамента тарихы кафедрасының оқытушыларын даярлау деңгейі Еуропа мен Американың университеттерінің стандарттарына сәйкес келеді. Сіз жетекші мамандармен жұмыс істеп, олырдың зерттеу жұмыстарынан пайда көресіз.

Сіз Америкадан Орталық Азия мен Китайға дейінгі әртүрлі елдердің тарихын оқисыз. Оның ішінде саяси, мәдени, экологиялық немесе экономикалық тарихты тереңірек зерттеуге мүмкіндік аласыз.

Мысалы, мынадай пәндер ұсынылады:

• Орталық Азиядағы ислам тарихы
• Тоталитаризм феномені
• Еуразия экологиялық тарихы
• Исламдағы әйелдің орны
• Денсаулық сақтау, қоғам және мемлекет
• Әлем тарихы
• Әлем діндері

...және басқа да көптеген қызықты пәндер!

Студенттер дипломдық жобалардың екі түрін таңдай алады. Диссертация жазу магистратура деңгейінде білім жалғастыратын студенттерге ұсынылады. Дипломның тағы бір түрі - қоғамдық тарих бойынша жобаны жүзеге асыру. Оның шеңберінде студенттер жергілікті мекемелермен ынтымақтастықта көрме, дәрістер топтамасы немесе қоғамдық фильм жасайды.