Біздің студенттеріміз “Басқалар үшін әрекет ет” байқауын жеңді!
2017 жылдың 8 желтоқсан күні біздің саясаттану және халықаралық қатынастар мамандығының 4-курс студенті Дулат Есназар және тілдер, лингвистика және әдебиеттану мамандығының 3-курс студенті Мәулен Ахметов PriceWaterhouseCoopers кәсіби сервис желісі ұйымдастырған «Басқалар үшін әрекет ет» («Действуй ради других») байқауына қатысып, жеңіп шықты. Байқаудың мақсаты – студенттер арасында әлеуметтік жобаларды дамыту және қолдау. Біздің студенттер қорғаған жоба – «Күнде» әлеуметтік кафесі, мұнда мүгедектер жұмыс істей алады және қауіпсіз ортада уақыттарын көңілді өткізуге жағдай жасалған. Біз осындай талантты студенттерді тануға қуаныштымыз және алдағы уақытта олардың істеріне сәттілік тілейміз.
