“Отандастар”: Kazakh TV телеарнасы профессор Дөрбөтхан Сұраған жайлы деректі фильм түсірді
«Отандастар» жобасы басқа елдерден тарихи отанына оралған қазақстандықтарға арналады. Олар бүгінде қалай өмір сүруде? Олар не нәрсеге қол жеткізеді? Біздің елімізге қандай пайда әкелуде? Дәл осы мәселелер “Отандастар”-да талқылануда. Жоба кейіпкерлерінің бірі математика кафедрасының профессоры Дурвудхан Сұраған болды.
Дурвудхан Сұраған математикадан PhD дәрежесін Әл-Фараби атындағы ҚазҰУ-де 2013 жылы алды. Оның, Лондон Корольдік колледжінің теориялық физика магистрі (үздік белгімен) дәрежесі бар. Назарбаев Университетіне келгенге дейін ол – Лондон Империал Колледжінде математика кафедрасында ғылыми қызметкер және Математика және Математикалық Моделдеу Институтында бас ғылыми қызметкер болып жұмыс істеді. Оның қазіргі ғылыми қызығушылығына Ли топтарындағы талдау, қолданбалы математика (математикалық физика), дербес туындылы теңдеулер, потенциалдар теориясы және спектралды геометрия кіреді.
2013 жылы профессор жаратылыстану ғылымдары саласындағы ең үздік жұмысы үшін жас ғалымдарға арналған (Қазақстанда) Қонаев атындағы сыйлықпен марапатталды. 2018 жылы Дурвудхан Сұраған «Ferran Sunyer i Balaguer Prize» сыйлығын жеңіп алды. Сыйлық математикадағы заманауи белсенді зерттеліп жатқан салалар бойынша көрнекі сипатқа ие математикалық монографияға маңызды үлес қосқаны үшін беріледі. Сұраған Дурвудхан (Лондон Империал Колледжі профессоры Михаил Ружанскиймен бірге) «Біртекті Ли топтарындағы Харди теңсіздігі (Харди теңсіздігіне 100 жыл)» атты монография үшін осы сыйлыққа ие болды.
